References:
SS: Smith Machine
BS: Back Squat
امبارح، وانا بقلب و بتفرج علي يوتيوب، لفت نظري فيديو، اللي كان بيتكلم فيه، مدرب و لاعب كمال أجسام، بس مش ده السبب إني اهتميت بالفيديو، السبب إن العنوان شدني ، "٥ تمارين مفروض محدش يعملهم"، النوع ده من العناوين بصراحة معروف اوي، و أي يوتيوبر لازم بيستخدمه، و انا جالي فضول أعرف هوا كان بيتكلم عن إيه، و زي أي طفل بيتعلق بحاجة، دوست عشان أتفرج.
يعني أنا ماتفرجتش أوي، أعدت اقلب في الفيديو ، و لفت انتباهي أوي انه أتكلم علي واحدة من أكتر التمارين اللي أنا شخصيا بحب استخدمها، في تمريني و في تمرين الكلاينتس، ال Smith machine، و بالتحديد،
ال Smith Machine Squat ، كان بيقول إن " ده تمرين خطر أوي، عشان بيحط حمل ثابت عل الضهر، و في نفس الوقت، انو تقريبا تمرين Isolation مش Compound ", فالو بتعمل بتعمل SS، انت مش بتمرن كل العضلات زي لما بتعمل في ال Back Squat ، يعني مثلا في ال SS انت بتمرن الرِجل و في ال BS، هاتمرن رِجلك و ضهرك و ال Core
بغض النظر طبعا انت النقطتين عكس بعد إلى حداًًًًًًًًًًًًًًً ما!! و لكن كلام المدرب ده في جزء منه صح، و ده أصلا السبب ان أحنا نستخدم التمرين الشقي ده....
(1) ال BS بيأثر فعلا علي عضلات أكتر، بس بالتالي بيطلع من التمرين ده تعب و Fatigue أعلي، ممكن في أوقات نكون عايزين نتجنب التعب والإرهاق ده، و ساعتها نستخدم ال SS كا Variation محترم، (2) أو ممكن عشان انت بدور علي تأثير مركز و عايز كل جرعة التمرين يروح لعضلة الرجلين فتاخد أحلي quad stimulus من ال SS،
(3) و ممكن SS مناسب لحد جديد في الجيم عشان أسهل في الاستخدام من BS، أو عشان مفيش غيره في الجيم اللي بتتمرن فيه (4) و ممكن برده يكون ال BS بيسبب نوع من الوجع، او احساس مش مريح في الركبة أو الضهر مثلا أو أي حتة تانية، بس البديل، اللي هوا SS مريح ومش بيحسسك بالوجع ده...
اللي أقصده إن التمرين اللي مفروض تعمله لازم يكون ليه سياق، و أن 99 ٪ من الوقت، مفيش حاجة اسمها تمرين غلط وإجابة سؤال "التمرين ده مناسب ولا مش مناسب؟"، هاتكون
علي حسب It Depends
Comments